കൈമുക്കല്‍ - തിരുവിതാംകൂര്‍

ശ്രീ പത്മനാഭ പാഹിമാം

ശ്രീ പത്മനാഭ രക്ഷമാം

നിരപരാധിത്വം തെളിയിക്കല്‍ കൈമുക്കലിലൂടെ...

പരസ്ത്രീ ബന്ധം ചാര്‍ത്തി നല്‍കപ്പെട്ട പുരുഷ ബ്രാഹ്മണന്‍ "സ്മാർത്ത വിചാരത്തിനു ശേഷം" (നിയമവിരുദ്ധമായ ലൈംഗിക ബന്ധത്തിൽ ഏർപ്പെട്ടെന്ന് ആരോപിക്കപ്പെടുന്ന ഒരു നമ്പൂതിരി സ്ത്രീയുടെയും സഹ പുരുഷന്‍റെയും വിചാരണ - പെരുമാറ്റത്തെക്കുറിച്ചുള്ള അന്വേഷണം എന്നു അര്‍ത്ഥം) " പുറത്താക്കൽ ലഭിക്കുമ്പോൾ സാധാരണയായി തന്‍റെ നിരപരാതിത്വം തെളിയിക്കാന്‍ ഒരവസരം എന്ന നിലയില്‍ "കൈമുക്കൽ" നടത്താറുണ്ടായിരുന്നു. ഈ ചടങ്ങു പിന്നീട് അധാർമികമെന്ന് സംശയിക്കപ്പെടുന്ന ഒട്ടു മിക്ക കേസുകളിലും നിരപരാധിത്വം തെളിയിക്കുന്നതിനായുള്ള ഒരു ചടങ്ങായി മാറി.  പഴയ വടക്കൻ മലബാറിലും സമാനമായ ഒരു സമ്പ്രദായമുണ്ടായിരുന്നുവെന്ന് തോന്നുന്നു.

സാദാരണയായി സത്യസന്ധത തെളിയിക്കാൻ കുറ്റം ആരോപിക്കപ്പെട്ട നമ്പൂതിരി അടുത്തുള്ള ഭാഗവതി ക്ഷേത്രത്തിൽ സത്യം ചെയ്തിരുന്നു. എന്നാൽ തെക്കൻ മലബാർ, കൊച്ചി, തിരുവിതാംകൂർ എന്നിവിടങ്ങളിലെ നമ്പൂതിരിമാർ ഇത്തരം കേസുകളിൽ നിരപരാധിത്വം തെളിയിക്കുന്നതിനു വേണ്ടി സുചിന്ദ്രം ക്ഷേത്രത്തെ തിരഞ്ഞെടുത്തു. ഇത് സുചീന്ദ്രം ക്ഷേത്രത്തിലെ പുരോഹിതന്മാർ നമ്പൂതിരിമാരായിരുന്നു എന്നതു മാത്രമല്ല, ഇന്ദ്രൻ ഒരിക്കൽ തിളപ്പിച്ച നെയ്യ് മുക്കി ശാപം (കുറ്റമറ്റത്) മായ്ച്ചുകളഞ്ഞ കഥയും ഈ സങ്കല്‍പ്പത്തിനു ഒരു കാരണമാണ്.

നടപടിക്രമം:

ആദ്യമായി സുചിന്ദ്രം ക്ഷേത്രത്തിൽ നെയ്യ് തിളപ്പിച്ച് കൈ മുക്കി നിരപരാധിത്വം തെളിയിക്കാനുള്ള അനുമതിക്കായി പ്രതി നമ്പൂതിരി  "സ്മാർത്തനോടു" (കേസ് കേൾക്കാനും ശിക്ഷ നൽകാനും അധികാരമുള്ള നമ്പൂതിരി) അപേക്ഷിക്കുന്നു. സ്മാര്‍ത്തന്‍ പമ്പ്  എന്നറിയപ്പെടുന്ന അനുമതി നല്കിയാല്‍. നാടുകടത്തൽ നടപടിക്രമങ്ങൾ നടത്തുന്ന പ്രാദേശിക പുരോഹിതൻ വഴി ഈ "പമ്പ്" തിരുവിതാംകൂറിലെ മഹാരാജാവിന് സമർപ്പിക്കുന്നു.സുചീന്ദ്രം ക്ഷേത്രത്തിലെ കാര്യക്കാര്‍ക്ക് മഹാരാജാവ് "നീട്ടു" എന്ന ഔദ്യോഗിക ഉത്തരവ് പുറപ്പെടുവിക്കുന്നു.  ഇതിനു ശേഷം പ്രതിയും മേല്‍പറഞ്ഞ പ്രാദേശിക പുരോഹിതനും ഈ ഉത്തരവുമായി സുചീന്ദ്രത്തില്‍ പോയി കാര്യക്കാര്‍ക്ക് രാജ ഉത്തരവ്  കൈമാറുന്നു.

ഉത്തരവ് കിട്ടിയ ഉടനെ ക്ഷേത്ര കാര്യക്കാര്‍ ഒരു ഒത്തുകൂടലിലൂടെ  "കൈമുക്കൽ" പ്രവർത്തനത്തിനുള്ള തീയതി നിശ്ചയിച്ചു, മൂത്താത്തു (പ്രതിയുടെ സംരക്ഷണ ചുമതല ഉള്ള ആള്‍)വിനെ നിയമിക്കുന്നു

"കൈമുക്കൽ" ചടങ്ങിനു ഒരു ദിവസം മുമ്പാണ് ദൈർഘ്യമേറിയ നടപടിക്രമം ആരംഭിക്കുന്നത്.

പ്രതി നമ്പൂതിരി ചടങ്ങിനു മുന്‍പുള്ള ദിവസം ഉപവസിച്ചു  സൂര്യാസ്തമയത്തിനുമുമ്പ്  കുളിച്ച് "നവഗ്രഹ പൂജ" എന്ന പേരിൽ ഒരു പ്രത്യേക വഴിപാട് നടത്തണം. ഒമ്പത് പോറ്റികള്‍ (നമ്പൂതിരികളുടെ ഒരു വിഭാഗം, പ്രത്യേകിച്ച് തിരുവിതാംകൂർ പ്രദേശത്ത്) ഒമ്പത് ഗ്രഹങ്ങളുടെ (നവഗ്രഹങ്ങള്‍) സ്ഥാനങ്ങളിൽ ഇരുന്നു ഗ്രഹങ്ങളായി സങ്കല്‍പ്പിച്ചുള്ള പൂജ വഴിപാടാണ് ഇത്. ഈ പൂജയ്ക്ക് ശേഷം പ്രതിയായ ഭക്തൻ ശ്രീകോവിലിന്‍റെ മുന്നിലെ മണ്ഡപത്തിലേക്ക് നീങ്ങുന്നു. വട്ടപ്പള്ളി മൂത്തത്തു, പ്രതിയുടെ സത്യസന്തതയില്‍ തികച്ചും ഉറപ്പുണ്ടെങ്കിൽ മാത്രം ക്ഷേത്രത്തിലേക്ക് പ്രവേശിക്കുവാന്‍ പ്രതിക്ക് ഉത്തര്‍വ് നൽകുകയുള്ളൂ.

തുടർന്ന്, പൊല്‍പ്പന ഭട്ടതിരിയുടെ സാന്നിധ്യത്തിൽ പ്രതിയെന്ന് ആരോപണമുള്ള നമ്പൂതിരി തന്‍റെ ഈ ചടങ്ങിനുള്ള സത്യപ്രതിജ്ഞ ചെയ്യുന്നു. സത്യപ്രതിജ്ഞ കഴിയും വരെ ഒരു തിരി മാത്രമേ ക്ഷേത്രത്തില്‍ തെളിയിക്കുകയുള്ളൂ. എന്നാൽ സത്യപ്രതിജ്ഞാ ചടങ്ങിന് ശേഷം എല്ലാ വിളക്കുകളും കത്തിച്ച് സാധാരണ "പൂജ", "ദീപാരാധന" എന്നിവ നടത്തുന്നു. അതിനു ശേഷം പ്രതി മുത്തത്തിനോടൊപ്പം  "ബലിക്കൽ പുര" യിൽ മാത്രം ഉറങ്ങണം

പിറ്റേന്ന് രാവിലെ, മൂത്തത്തു പ്രതിയെ ഉണർത്തി ജനവാസമില്ലാത്ത സ്ഥലത്ത് "പ്രജ്ഞ തീർത്ഥം" എന്ന പ്രത്യേക കുളത്തിലേക്ക് കൊണ്ടുപോകുന്നു. കുറ്റബോധം തോന്നിയാൽ പ്രതി നമ്പൂതിരിക്ക് സ്ഥലത്ത് നിന്ന് രക്ഷപ്പെടാനുള്ള ഒരു അവസാന അവസരം നൽകുന്നതിന് വേണ്ടിയാണ് അത്തരമൊരു വിജനമായ പ്രദേശം തിരഞ്ഞെടുക്കപ്പെടുന്നതു.

ആ കുളത്തിൽ കുളിച്ചശേഷം അയാൾ "കൈമുക്കൽ" പ്രവർത്തനം നടത്തണം. അയാൾ പുതു വസ്ത്രധാരണം ചെയ്തു ക്ഷേത്രത്തിലേക്ക്
എത്തിച്ചേരുന്നു. അതേസമയം, തിളപ്പിച്ച നെയ്യ് ഉള്ള ഒരു പാത്രത്തില്‍ തയ്യാറാക്കുകയാകും. പ്രതിയായ നമ്പൂതിരിക്കു സംസാരിക്കുന്നതിനു നിയന്ത്രണങ്ങള്‍ ഏര്‍പ്പെടുത്തും. തലേദിവസം സത്യപ്രതിജ്ഞ ചെയ്ത വേളയില്‍ തയ്യാറാക്കിയ ഒരു പനയോല എഴുത്ത് അയാളുടെ ഇടുപ്പിൽ ഘടിപ്പിക്കും. അതിനോടനുബന്ധമായി ചുട്ടുതിളക്കുന്ന നെയ്യിലേക്ക് ഒരു സ്വർണ്ണ കാള രൂപത്തെ ക്ഷേത്ര പൂജാരിമാര്‍ ഇടുന്നു.

പ്രതിയായ ഭക്തൻ ദൈവത്തോട് പ്രാർത്ഥിക്കുകയും ഇതിനകം എടുത്ത ശപഥം ആവർത്തിച്ചു ചൊല്ലുകയും ചെയ്യുന്നു. തുടർന്ന്, ക്ഷേത്ര പരിസരത്തു ചടങ്ങു വീക്ഷിക്കാനും നിയന്ത്രിക്കാനും എത്തിയ ക്ഷേത്ര കാര്യക്കാരുടെയും പുരോഹിതരുടെയും ക്ഷേത്ര ജീവനക്കാരുടെയും പ്രദേശവാസികളുടെയും സാന്നിധ്യത്തിൽ നമ്പൂതിരി വലതു കൈ ചുട്ടുതിളക്കുന്ന നെയ്യ് ഇട്ടു അതിൽ നിന്ന് സ്വർണ്ണ കാള രൂപത്തെ പുറത്തെടുത്തു അടുത്തു വച്ചിരിക്കുന്ന ഒരു വാഴയിലയിലേക്ക് ഇടുന്നു. അതിനു ശേഷം എല്ലാവർക്കും കാണാവുന്ന വിധത്തിൽ കൈകൾ ഉയർത്തിപ്പിടിച്ച് അയാൾ ഘടികാരദിശയിൽ ക്ഷേത്രത്തിന് ചുറ്റും പ്രദക്ഷിണം വയ്ക്കുന്നു.

പ്രദക്ഷിണം കഴിഞ്ഞ ശേഷം മൂത്തത്തു ഒരു തുണികൊണ്ട് പ്രതിയുടെ നെയ്യില്‍ മുക്കിയ കൈകള്‍ മൂടുന്നു. അടുത്ത മൂന്ന് ദിവസം, നമ്പൂതിരി മൂത്തത്തിന്‍റെ വീട്ടിൽ താമസിക്കണം; മറ്റൊരു വിധത്തിൽ പറഞ്ഞാൽ, അവനെ പരിപാലിക്കേണ്ടത് മൂത്തത്തിന്‍റെ ഉത്തരവാദിത്തമാണ്. മൂന്നാം ദിവസം മൂത്തതും നമ്പൂതിരിയോടൊപ്പം കുളിക്കുന്നു, ഇരുവരും ക്ഷേത്രത്തിലെ കൊടിമരത്തിനു അരികിലേക്ക് വരുന്നു.

തുടർന്ന് മൂത്തത്തു വിശ്വസ്തരുടെയും പുരോഹിതരുടെയും മറ്റുള്ളവരുടെയും സാന്നിധ്യത്തിൽ നമ്പൂതിരിയുടെ കയ്യിൽ നിന്ന് തുണി നീക്കംചെയ്യുന്നു.

അതിനു ശേഷത്തെ പരിശോധനയില്‍ പ്രതിയുടെ കൈകള്‍ പൊള്ളിയിരുന്നാല്‍ (ഇതിനെ "കൈ കറുപ്പിക്കൽ" എന്ന് വിളിക്കുന്നു) പ്രതി കുറ്റക്കാരന്‍ എന്നു ആരോപിച്ചു ഭ്രഷ്ട് (പുറത്താക്കല്‍ - ഒറ്റപ്പെടുത്തുക) കല്പിക്കപ്പെടും,

അഥവാ കൈകള്‍ പൊള്ളിയിരിക്കുന്നില്ല എങ്കില്‍ (ഇത് "കൈ വെളുപ്പിക്കൽ" എന്നറിയപ്പെടുന്നു) പ്രതിയെ നിരപരാധിയി അറിയപ്പെടുത്തും.

അപരാധി ആണെങ്കില്‍, 400 പണം ക്ഷേത്രത്തിന്‍റെ ശുദ്ധീകരണത്തിനായി പുറത്താക്കപ്പെട്ടയാൾ നല്കണം. മാത്രമല്ല,  32 ക്ഷേത്ര ജോലിക്കാർ അപരാധം ചെയ്ത വെക്തിയെ ചൂല്കൊണ്ട് അടിച്ച് അടുത്തുള്ള നദി മുറിച്ചു കടക്കാൻ നിർബന്ധിക്കും.

നിരപരാധി ആക്കിയ സന്ദർഭത്തിൽ, അദ്ദേഹം ക്ഷേത്രത്തിൽ പ്രവേശിക്കുകയും ബ്രാഹ്മണർക്ക് ഉച്ചഭക്ഷണം നൽകുകയും ചെയ്യും, അതിൽ മറ്റുള്ളവരോടൊപ്പം ഇരുന്നു കഴിക്കുന്നതിനും ഈ നിരപരാധിക്ക് അനുവാതം നല്‍കപ്പെടും. ഭക്ഷണത്തിനുശേഷം, നമ്പൂതിരിയെ പട്ടണത്തിന് ചുറ്റും എഴുന്നള്ളിച്ചതിനെ തുടര്‍ന്നു, ഒരു സദ്ഗുണ സ്വഭാവ സർട്ടിഫിക്കറ്റ് എഴുതി നല്കുന്നു.
കൈമുക്കല്‍ ചടങ്ങില്‍ വിജയകരമായി മടങ്ങിയെത്തിയ നമ്പൂതിരി, അദ്ദേഹത്തിനു വേണ്ടി നീട്ട് കല്പിച്ച മഹാരാജാവിനെ സന്ദർശിച്ച് സിൽക്ക്, വളകള്‍, പണം എന്നിവ സമ്മാനിക്കുന്നു. ഒടുവിൽ, നമ്പൂതിരി സ്വന്തം ഗ്രാമത്തിൽ പോയി സദ്ഗുണ സ്വഭാവ സർട്ടിഫിക്കറ്റ് പ്രാദേശിക പുരോഹിതന് കാണിച്ചതിനു ശേഷം പ്രദേശത്തെ എല്ലാ നമ്പൂതിരിമാർക്കും അദ്ദേഹം ഒരു വിരുന്നു നൽകി സ്വഭാവ സവിശേഷതകളെ കുറിച്ചു അറിയിക്കുന്നു.

ഈ സമ്പ്രദായം എപ്പോൾ ആരംഭിച്ചുവെന്ന് ചരിത്ര രേഖകളില്‍ കണ്ടെത്തപ്പെട്ടിട്ടില്ല, പക്ഷേ ഇത് AD 1626-27 വരെ നടന്നതായും AD 1843-44 വരെ തുടർന്നതായും കാണിക്കുന്നതിനുള്ള തെളിവുകൾ ക്ഷേത്ര രേഖകളിൽ ഉണ്ട്.

AD 1843-44 കാലങ്ങളില്‍ മഹാരാജാവ് സ്വാതി തിരുനാള്‍ ആണ് ഈ ചടങ്ങ് നിര്‍ത്തലാക്കിയത് എന്നു ചരിത്രരേഖകളില്‍ പ്രത്യക്ഷ പരാമര്‍ശങ്ങള്‍ ഉണ്ട്

നന്ദി

ഈ എഴുത്തില്‍ എന്തേലും തെറ്റുകള്‍ ഉണ്ടെങ്കിലോ അറിവില്ലായ്മ ഉണ്ടെങ്കിലോ കമെന്‍റ് ചെയ്യുക

അക്ഷരത്തെറ്റുകള്‍ പൊറുക്കുക

© വിജയ് മോഹന്‍

Ref: Ent̲e smara ṇakaḷ -  Kanippayyur Shankaran Namboodiripad, Wiki Pedia; http://14.139.116.20:8080/jspui/bitstream/10603/224895/8/08_chapter2.pdf

Pic Courtesy :  Google Image; Edited by own. due to unavailability of pictures